E weidere Schratt a Richtung Bascol-Titel!

De Match géint d’Black Lions, aktuelle Leader am Championnat, wär keen schéinen Basket, mee éischter eng Renconter mat Kampf an Asaz. Keng Ekipp konnt sech esou richteg ofsetzen, an du gouf et zum Schluss e richtegen Krimi, well et goung an d’Verlängerung. Do hat eis Ekipp dunn déi besser Reussite an esou gouf de Match mat 60-63 gewonne!

Des Victoire géint den direkten Titelkonkurrent wär extrem wichteg fir weider an der Titelcourse ze bléiwen. Et bléiwen elo nach 3 Matcher ze spillen a wann déi all gewonne ginn, kann den Champion geféiert ginn!